აბაზანიდან დანახული არტ–ისტერია

ადრე მეგონა, რომ თანამედროვე ხელოვნების სინამდვილეში ერთეულებს ესმით, ხოლო დანარჩენებ უბრალოდ ტენდენციებს უწყობენ ფეხს. პირველი კატეგორია ნამუშევრებზე საკუთარ შეხედულებებს აყალიბებს და გადმოსცემს, მეორე კი გაზეპირებულ რევიუებს იმეორებს.

ფეისბუქის მეშვეობით ყველამ ნახა კვერცხებზე შემომსხდარი ჩუსტების ფოტო. ეს ინსტალაცია ელიზა ფანტოზის ეკუთვნის და ბათუმში “რედისონის” წინ განთავსდა. მას Perilleusement votre ჰქვია. ლამაზი სახელია არა? მაგრამ იქნებ ქართულად  უბრალოდ ცოლის ძმას ნიშნავდეს? მაინც იქნებოდა ლამაზი რაღაც მისტიური ჟღერადობის ლათინური ყაიდის სითყვათშეთანხმება რომ არ იყოს?

სიმართლე რომ გითხრათ, პოსტის დაწერა ჟურნალ ”ტაბულაში” წაკითხულმა ქალბატონი ელიზას ინტერვიუმ გადამაწყვეტინა. (მადლობა არატიპურ ქართულ ოფიციოზს შთაგონებისათვის.)

”ცხოვრება ისეთივე სათუთია, როგორც კვერცხები” – დაახლოებით ეს აზრი დევს ამ ნამუშევარში.

-მოკლედ მპასუხობს ის.

(ციტატა სტატიიდან)

საინტერესოა. სკულპტორმა ნამუშევრის იდეის მხოლოდ დაახლოებითი განმარტება იცის. მაგრამ ფრანგია! ესე იგი მაგარი ტიპია და ლაკონიურად სპეციალურად პასუხობს. და საერთოდ, რას გაუგებ ამ ხელოვნებს არა? თუ არ გესმის, ესე იგი გენიალურია. ეს ხომ დღევანდელი ტენდენციაა. ძალიან მარტივია.

მაგრამ ქალბატონო ელიზა, მიუხედავად იმისა, რომ ფრანგი ხართ და ესე იგი მაგარი ტიპი, მინდა გითხრათ, რომ არა ცხოვრება, არამედ ადამიანური ურთიერთობებია სათუთი. ხოლო ცხოვრება, ყველამ ვიცით, რომ ერთი დიდი ნაბოზარი და მატყუარა რამაა(და თან მშვენიერი. ჰეჰ).

დავუბრუნდეთ პირველ აბზაცს. ამ ბოლო დროს თანამედროვე ხელოვნებაზე აზრი შემეცვალა. ახლა ვფიქრობ, რომ ერთეულებს კი არ ესმით მისი, არამედ თანამედროვე ხელოვნება მისი უმეტესი შიგთავსით(და არა სრული) უბრალოდ ნაგავია და მეტი არაფერი.

მგონი არავინ შემედავებით, რომ დღესდღეობით ხელოვნება მსოფლიო მასშტაბით დეგრადაციას განიცდის. ღირებული რამ ასიდან ერთი თუ იქმნება და ისიც იკარგება, რადგან დღეს ”ესთეტიკურ ბაზარზე” სხვანაირი მოთხოვნილებებია.  დღეს მომხმარებელს ყველაფერი გამარტივებული უნდა, მათ შორის ხელოვნებაც. წიგნი უნდა იყოს არაუმეტეს ას ორმოცდაათ გვერდიანი, სიმღერის ტექსტი უნდა იყოს მარტივი, ისევე როგორც მელოდია, ხოლო სკულპტურა, ადვილად აღსაქმელი. შედეგად კი ვიღებთ პაულო კოელიოს, ჯასტინ ბიბერს და ამ კვერცხობას(ტერმინი კვერცხობა აქ არა შეურაცხმყოფელი სიტყვა, არამედ კვერცხის მრავლობითობის აღმნიშვნელია).

სკულპტორები და მხატვრები ხშირად (ალბათ მიზანმიმართულადაც) ისეთ აბსურდულ ნამუშევრებს ქმნიან, რომ ამხელა აბსურდულობისგან ადამიანს მისი გენიალურობის ეჭვიც კი უჩნდება. ასევე, აქ მნიშვნელოვანია ნამუშევრის შეფუთვა და ბრენდინგი. თანამედროვე ხელოვნების ნიმუშები ხომ არა მათი მხატვრული ღირებულების მიხედვით ფასდებიან, არამედ როგორც ბრენდები. უფრო მარტივი განმარტება რომ გავაკეთო, ერთ დიალოგს მოგიყვანთ:

-ეს რა *ლეობაა?

-ეს ლიხტენშტეინია!

-აა, გენიალურია!

ვიცი, რომ ჩვენში იდიოტობას და სულელობას იმას ვუწოდებთ, რასაც ვერ ვიგებთ, მაგრამ განა ეს იდიოტიზმი არაა? მაინც ბანძი ტიპი ვარ?

პ.ს. პოსტი მთლიანად მოფიქრებულია სააბაზანოში და აბაზანური პათოსის გავლენას ვერ გადაურჩა.

Advertisements

შენ გაეზარდე შენს დედას შვილო! (ანუ, როგორ მოვთაფლოთ მასები 1 წუთში)

საქართველოს ბანკის Facebook გვერდი ყველას გაქვთ დალაიქებული. ხოდა ყველამ იცით მისი ახალი კონკურსის შესახებ, რომელიც http://www.istudy.ge –ზე ტარდება. კონკურსის მონაწილემ ერთწუთიან ვიდეოში უნდა ახსნას, თუ რას ნიშნავს მისთვის სწავლა და რატომ არის იგი მნიშვნელოვანი. კონკურსი, ჩვეულებრივ, ქართული სტანდარტებისაა. (Who gets the biggest number of “Likes”, gets everything).

დღეს, უბრალოდ, დამაინტერესა და ამ საიტზე შევიხედე ვიდეოების დასათვარიელებლად. რეიტინგულ ვიდეოებს ჩამოვყევი და იმედები გამოცრუვდა, რომ რაიმე ორიგინალურს და უფრო მეტად გულახდილს ვნახავდი. ისეთი შთაბეჭდილება მქონდა, რომ უფასო წინასაარჩევნო რეკლამებს ვუყურებდი.იმ ვიდეოების უმრავლესობა რომელიც მე ვნახე, უბრალოდ, ადვილად მანიპულირებადი თემების გამოყენებით მოწონების დამსახურების მცდელობაა: “მინდა, რომ გამოვადგე ჩემს სამშობლოს!”, “მინდა, რომ მივიღო განათლება გაჭირვების დასაძლევად!”; ამ ყველაფერს დამატებული შესაფერისი ფონი სიმბოლური დატვირთვით: ეკლესია, საქართველოს დროშა, წიგნები, ნარინჯისფერი აქსესუარები (ეს, ალბათ, ბანკის გულის მოსაგებად).

ადამაინებო, რა გიშლით ხელს თქვათ სიმართლე: რომ განათლება გჭირდებათ იმისათვის, რომ აიხდინოთ ოცნებები(სხვათაშორის, ერთმა მონაწილემ გაკვრით ახსენა კიდევაც მისი ოცნება– ბარსელონა), ან იცხოვროთ უზრუნველად ბევრ ნაშასთან ერთად, ან თუნდაც, დაიპყროთ მსოფლიო და ააფეთქოთ დედამიწა. ცნობილი ადამიანების ციტატები ჭკვიანურობას გმატებთ, მაგრამ ციტატების მოყვანა ყველას შეუძლია. რატომ არ სცდით, თავად, სხვისი დახმარების გარეშე მიხვდეთ, თუ რა არის ცოდნა და რისთვისაა საჭირო სწავლა?