არ შემეხო!

–რას ხედავ ამ სურათზე?

–რავიცი, ვიღაც გოგოები “ქართული ოცნების” გაზეთებს არიგებენ.

–ერთი სიტყვით შეგიძლია მითხრა რა აქტია ასახული სურათზე?

–ალბათ, ინფორმირება, ან პროპაგანდა…

–დანაშაული?

–რა დანაშაული?

–ცუდია, საკუთარი ქვეყნის კანონმდებლობა რომ არ იცი. აი რას ამბობს სამართლის კოდექსის 1641–ე მუხლს:

ამომრჩევლის მოსყიდვა

პოლიტიკური მიზნით, პირდაპირ ან არაპირდაპირ ფულის, ფასიანი ქაღალდის (მათ შორის, ფინანსური ინსტრუმენტის), სხვა ქონების, ქონებრივი უფლების, მომსახურების ან სხვა რაიმე უპირატესობის შეთავაზება, დაპირება, გადაცემა ან გაწევა, ან წინასწარი შეცნობით ასეთის მოთხოვნა ან მიღება, ანდა კანონით დადგენილი შეზღუდვებისთვის თავის არიდების მიზნით მოჩვენებითი, თვალთმაქცური ან სხვა გარიგების დადება –

ისჯება თავისუფლების აღკვეთით ვადით სამ წლამდე ან ჯარიმით.

პოლიტიკური პარტიის ან პოლიტიკურად აქტიური პირისგან დახმარების მიღების ან თუნდაც თხოვნის გამო, შესაძლოა, 3 წლით თავისუფლება აღგეკვეთოს.

თუ “ქართული ოცნების” გაზეთს ჩავთვლით საჩუქრად(და მას მიზერული, მაგრამ მაინც, რაღაც ღირებულება გააჩნია), მაშინ მართლაც თავისუფლად შეგვიძლია ვთქვათ, რომ სურათზე კანონდარღვევის ფაქტია ასახული.

–ეს როგორ?

–ყველაფერი დეკემბერში დაიწყო. მაშინ ზოგი ახალ წელს ელოდებოდა, ზოგი თოვლს, ზოგი კი საკანონმდებლო ცვლილებებს ამზადებდა. ახალი წელი მოვიდა, საახალწლოდ თოვლი – არა. სამაგიეროდ, “მოქალაქეთა პოლიტიკური გაერთიანების შესახებ” კანონში ცვლილებები განხორციელდა. როგორც ცვლილებების ავტორები განმარტავენ, ისინი იმისთვისაა საჭირო, რომ ფულმა არ გადაწყვიტოს არჩევნების ბედი. სინამდვილეში კი ახალმა კანონებმა მარტო პოლიტიკური პარტიების დაფინანსება არ შეზღუდეს.

ამ ცვლილებების მიხედვით პოლიტიკურ პარტიას ეკრძალება შემოწირულობების სახით 500,000 ლარზე მეტის მიღება. მას ასევე ეკრძალება თითოეული პირისგან 60,000 ლარზე მეტი თანხის ოდენობის დონაციის აღება. და რაც ყველაზე მნიშვნელოვანია: მაგალითად, მავანმა გადაწყვიტა, რომ შემოწირულობა გაუკეთოს რამდენიმე პარტიას ერთად და თანხა ჯერ შალვას, შემდეგ მალხაზს და გუბაზს გადაურიცხა. მალხაზი და გუბაზი ცუდ დღეში ჩავარდებიან. მათ შემოწირულობაზე ათჯერ მეტი თანხის ოდენობის ჯარიმას დააკისრებენ, ვინაიდან კანონიერად მხოლოდ შალვასთვის გადარიცხული თანხაა და შემდგომი შემოწირულობები სხვა პარტიებისთვის – უკანონო.

არანაკლებ საინტერესოა ყადაღასთან დაკავშირებული კანონები. საქართველოს კონტროლის პალატას შეუძლია პარტიის, ფიზიკური ან იურიდიული პირის ქონებას, საბანკო ანგარიშებს დაადოს ყადაღა იმ უბრალო მიზეზით, რომ მან ღიად მოუწოდა ვინმეს რომელიმე პოლიტიკური პარტიის მხარდაჭერისკენ. თანაც, ეს ყადაღა უვადოა და გასაჩივრების შემთხვევაში არ იხსნება. ყველაზე უცნაური კი ის არის, რომ ასეთ ადამიანთან შედარებით კრიმინალი, რეკეტიორი, ნარკომოვაჭრე და ძმანი მათნი უკეთეს პირობებში არიან. მათ ქონებას ყადაღას სასამართლო ადებს(რაც თავიანთი ინტერესების დაცვის საშუალებას აძლევს). თანაც, ისინი ჩვეულებრივ ახსნიან ყადაღას, თუ დაკისრებულ ჯარიმას გადაიხდიან. იმ ადამიანს კი, რომელმაც “მოქალაქეთა პოლიტიკური გაერთიანებების შესახებ”  კანონი დაარღვია, ასეთი შესაძლებლობები არ აქვს.

–ახლა ყველაფერი გასაგებია. ესე იგი მე ყველანაირად უნდა მოვერიდო რომელიმე პოლიტიკურ პარტიასთან ურთიერთობას, პოლიტიკური განცხადებების კეთებას და პარტიების აგიტატორებს კარი არ გავუღო, რადგან შეიძლება დანაშაული ჩავიდინო.

–ზუსტადაც. შენ სახლში უნდა იჯდე და გარეთ ცხვირი არ უნდა გაყო. მაგრამ…. არის მეორე ვარიანტიც. შენ შეგიძლია შემოუერთდე არასამთავრობო ორგანიზაციებისა და მეიდასაშუალებების მიერ წამოწყებულ კამპანიას “ეს შენ გეხება”  და გააპროტესტო უსამართლობა.

(დააჭირე ბანერს)

რას იზამ?

7 thoughts on “არ შემეხო!

  1. მოდი ჯერ გავერკვევი უსამართლობებში… ჩემს ყოველდღიურად ჩადენილ ცხოვრებისეულ უსამართლობებს შევებრძოლები და აღვკვეთ და მერე ვიფიქრებ როგორ გამოვასწორო და ვებრძოლო სხვის უსამართლობას…😉
    საინტერესო იყო…

  2. მდაჰ… ნამეტანი კრეატივი ეწვია ჩვენ ხელისუფლებას, ყოველ ჯერზე ერთმანეთზე უფრო ორიგინალურ კანონებს იგონებენ. იქნებ როგორმე მალე მოგვშორდნენ. ეხლა ეს კომენტარიც კანონდარრვევა ხომ არ არის ხალხს ჩემ აზრს ვახვევ თავს😀

    • ეს კომენტარი სავარაუდოდ არა, მაგრამ პოლიტიკური შინაარსის ბლოგის დაწერა კანონდარღვევაა თუ შენი შემოსავალი 60,000 ლარს აღემატება.
      კრეატივში ფეერვერკი აქვთ გამართული😀

  3. ძლივს არ ვნახე ამ თემაზე პოსტი? ყოჩაღ, ავტორს!

  4. უსუსურობის შეგრძნება მაქვს…. ძალიან მაქვს…. მე მახსოვს, ჩემი უნივერსიტეტის ტრანსპორტის გასვლას ველოდებოდი, ამ დროს მოვიდა ვიღაც, გამომიწოდა გაზეთი და მითხრა, ხომ არ გაეცნობითო, ინსტიქტურად ხელი უკან წავიღე, როგორც ხედავთ შემეშინდა… ჰოდა ახლა რა უნდა მომთხოვოს მე ჩემმა ქვეყანამ… ასე შემეცოდა საკუთარი თავი.

    • დამშვიდდი ნინცა, ეგ ერთი შემთხვევა ყველაფრის დასასრული არაა😀

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s