ნიუტონის კანონი

„დგაფ, დგუფ.“ – წვიმის წვეთები მძიმედ ეხეთქებიან ფანჯარას. მაგრამ სახლში მაინც ვერ აღწევენ. ის ფანჯრის წინ ზის. თითქოს რაღაცას გასცქერის, მაგრამ თან არსად არ იყურება. თითქოს ეშინია, მაგრამ არ ღელავს. არც იცინის და არც ტირის, არც მოწყენილია და არც გახარებული. უბრალოდ ფანჯრის წინ ზის და რაღაცას გასცქერის, ან იქნებ-არც. ”დგაფ, დგუფ” –  წვიმა იმატებს მაგრამ მან იცის, რომ ისინი მაინც მოვლენ, აუცილებლად მოვლენ, ქვეყანა რომ იქცეოდეს, მოვლენ. წარსულზე ფიქრობს, იცის  ვეღარაფერს შეცვლის(არც აპირებს), მაგრამ მაინც ფიქრობს. ცდილობს საკუთარი კეთილი საქმე გაიხსენოს – ვერ ახერხებს. არც ისეთი ხალხი იცის, ვისაც დიდად ანაღვლებს ცოცხალი იქნება თუ მკვდარი. მხლოდ ის იცის, რომ მთელი ცხოვრების მანძილზე სიმართლეს ამბობდა და იგივეს წერდა, „ერთი-ერთში.“ უბრალოდ, ბოლო დროს ეუბნებოდნენ, რომ „ზედმეტი მოსდიოდა“. „როგორ შეიძლება სიმართლე ზედმეტი იყოს?“ – ფიქრობდა.  ”დგაფ, დგუფ!” ამჯერად ეს წვიმა არ არის. მისი სახლის კარია. ”დგაფ, დგუფ!” აი სტუმრებიც მოვიდნენ. ”გააღეთ, ვიცით რომ სახლში ხართ!” აღებს, მაგრამ არა კარს – ფანჯარას. ”დგაფ, დგუფ!” ”მოქალაქე ჟღენტო, თქვენ ეჭვმიტანილი ხართ საბოტაჟსა და სახელმწიფოს მტერთან თანამშრომლობაში. გააღეთ კარი!” ”დგაფ” – ღია ფანჯრამდე გრძელი ხმა აღწევს. კარი უკვე ძირს გდია. სტუმრებიც სახლში შემოდიან. იგი ფანჯრის რაფაზე დგას. წვიმის წვეთები სახეში ეცემა. ნაბიჯს ჰაერში აკეთებს. ვერ გაფრინდება. მერვე სართულიდან მოწყვეტით წავა ასფალტისაკენ. ნიუტონის კანონია ასეთი. სახელმწიფოს ერთით ნაკლები მტერი ჰყავს. ვაშა, ვაშა! მადლობა ნიუტონს.

”დგაფ, დგუფ”, წვიმა იკლებს. სახლში მაინც შემოაღწია, თუმცა… შემოაღწია?

7 thoughts on “ნიუტონის კანონი

  1. Kidev eRti DzaliaN Kargi Posti:) „როგორ შეიძლება სიმართლე ზედმეტი იყოს?“ – ფიქრობდა.” simartle yoveltvis zedemetia-xolme xalxis dziritadi nawilistvis da mzad unda iyo imistvis rom adre tu gvian sheewirebi mis siyvaruls:X

  2. ორუელი ბერჯესი კენ კიზი ბოლოს რა წაიკითხეთ??????

    • ფიცჯერალდს გეახლებით ორ ჩაის კოვზ შაქარსა და ლიმნის ნაჭერთან ერთად😀

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s